Нефтекамалар Бөтә Рәсәй ГТО фестиваленән бронза алып ҡайтты

25 сентябрҙән 16 октябргә тиклем легендар «Артек» балалар үҙәге базаһында мәктәп уҡыусылары араһында ГТО Фестиваленең IX Бөтә Рәсәй финалы үтә. Унда Башҡортостан республикаһы йыйылма командаһы составында нефтекамалылар ҙа ҡатнашты.

Йыйылма составында Нефтекаманан дүрт уҡыусы: Радмир Бәхтейәров, Әминә Сөләймәнова, Назар Сәлихов һәм Наил Зарипов сығыш яһаны. Уларҙың һәр береһе республика намыҫын яҡлап ҙур көс һалды.

Шуныһы иғтибарға лайыҡ, командалар араһында конкуренция ҙур була. Фестиваль финалында илебеҙҙең 47 төбәгенән 376 уҡыусы ҡатнашты. Шул уҡ ваҡытта беҙҙең спортсылар лайыҡлы сығыш яһаны.

Был уңышта Нефтекама ҡалаһының балалар - үҫмерҙәр спорт мәктәбенең тәжрибәле остаз-тренерҙарының ҙур ҡаҙанышы бар, улар етәкселегендә балалар беренсе йыл ғына күнекмәләр үткәрмәй. Улар тренерҙар В.Шафиҡов, Р.Мирзаҡаримов, Л.Носарева, Ю.Шаймарданов, Ю.Пластеев, А.Силантьев.