Нефтекамала Ҡыҫтыбый йүгереүе үтте

Уҙған ял көндәрендә Нефтекама ҡалаһында Ҡыҫтыбый йүгереүе үтте. Унда 600-ҙән ашыу спортсы ҡатнаша.

Спортсылар Өфө, Стәрлетамаҡ, Яңауыл, Ҡазан, Чайковский, Бөрө, Сарапул, Ижевск һәм башҡа ҡалаларҙан килде. Балалар 300, 500 һәм 800 метр арауыҡта йүгерҙе. Ә өлкәндәр һәм үҫмерҙәр 2-10 саҡрым араны йүгереп үтте. Ярышта иң өлкән ҡатнашыусыға - 72 йәш.

Спорт байрамын ойоштороусы «Железный Варяг» командаһынан һәм бағыусыларынан марафонда ҡатнашыусылар бүләктәр, миҙалдар һәм, әлбиттә, тәмле ҡайнар ҡыҫтыбый алды.