Нефтекамалар - пьедесталда

Рәсәй Кубогында һәм фитнес-аэробика буйынса Бөтә Рәсәй ярыштарында йәнә бөтә пьедесталды тиерлек Нефтекама ҡалаһы спортсылары биләй.

Алты көн дауамында илебеҙҙең бөтә төбәктәренән спортсылар үҙҙәренең оҫталыҡтарын күрһәтте.

Нефтекама балалар-үҫмерҙәр спорт мәктәбенән һәм Спорт Һәм Туризм Үҙәгенән балаларҙан торған Башҡортостан Республикаһы йыйылма командаһы иҫ киткес һөҙөмтәләр күрһәтте. Мәҫәлән, Нефтекама спортсылары «Аэробика», «Аэробика 5 кеше» дисциплиналарында ете беренсе һәм ике икенсе урын яуланы.

Спортсыларҙы Нефтекама балалар-үҫмерҙәр спорт мәктәбе һәм Спорт Һәм Туризм Үҙәге тренерҙары әҙерләне.