Нефтекамала «Дуҫлыҡ моңо» фестивале үтте

Нефтекамала XVI халыҡ-ара башҡорт һәм татар йыры фестивале «Дуҫлыҡ моңо» тамамланды. Гран-приға Илмир Шәйхлисламов (Иглин районы) лайыҡ булды. Уға 100 мең һумлыҡ сертификат тапшырылды.

Айнур Әмиров (Нефтекама) һәм Миләүшә Хәсәншина (Шаран районы) I дәрәжә лауреаттары булды. Фестивалдең иң йәш ҡатнашыусыһы Әлиә Әхкәмова (Нефтекама) «Өмөт» номинацияһында Башҡортостан мәҙәниәт министрлығының махсус призына лайыҡ булды. Нефтекама ҡалаһы хакимиәте башлығының Махсус призы менән Радик Ғәлиев (Нефтекама) бүләкләнде.

Быйыл «Дуҫлыҡ моңо» фестивале ун етенсе тапҡыр уҙҙы. Унда Иглин, Илеш, Краснокама, Шаран райондарынан, Нефтекама, Өфө, Стәрлетамаҡ ҡалаларынан 16-35 йәшлек үҙенсәлекле башҡорт һәм татар йырҙарын башҡарыусылар, шулай уҡ Киров һәм Свердловск өлкәләре вәкилдәре ҡатнашты.