Нефтекама автобусы - Рәсәйҙең иң яҡшы тауарҙары иҫәбендә

НЕФАЗ ҡала автобусы «Рәсәйҙең 100 иң яҡшы тауары» Бөтә Рәсәй конкурсының «Алтын йөҙ»гә инде.

«Рәсәйҙең иң яҡшы 100 тауары» программаһы һәм конкурсы сиктәрендә продукция һәм хеҙмәттәр стандарттарға, хәүефһеҙлек талаптарына тап килеүгә баһалана, шул уҡ ваҡытта хаҡтар, ҡулланыусыларҙың баһаһы, һатыу күләме һәм башҡа факторҙар иҫәпкә алына. Материалдарҙы ҡарауҙа контроль ойошмалары, профилле министрлыҡтар, сертификация буйынса органдар вәкилдәре ҡатнаша.

2024 йылда Башҡортостандың 43 ойошмаһы «Рәсәйҙең 100 иң яҡшы тауары» конкурсы призерҙары булды. 93 төр продукция һәм хеҙмәт лауреат һәм дипломант була. Биш ойошманың продукцияһы һәм хеҙмәттәре Рәсәйҙең иң яҡшы йөҙ тауары иҫәбенә инә һәм «Алтын йөҙ»дипломы менән бүләкләнә. Улар иҫәбендә «НЕФАЗ» лә бар, ул конкурсҡа ҡыҫылған тәбиғи газ менән эшләгән ярым түбән иҙәнле НЕФАЗ автобусын тәҡдим итте. Бынан алда автобустың был моделе «Башҡортостандың иң яҡшы тауарҙары» республика конкурсында («Рәсәйҙең 100 иң яҡшы тауары» бөтә Рәсәй конкурсының төбәк этабында) еңеүсе тип танылды.