Нефтекама спортсыһы - универсаль көрәш буйынса чемпион

Нефтекама спортсыһы Регина Тютеева универсаль көрәш буйынса Донъя Чемпионатында һәм Беренселегендә еңеү яуланы. Регина Рәсәй йыйылма командаһы составында сығыш яһай.

Ярыштар Наманган ҡалаһында (Үзбәкстан) үтте. Спортсылар араһында конкуренция бик юғары була. Әммә Регина яҡшы әҙерлек күрһәтә, тулҡынланыуҙы, эмоцияларҙы еңеп сыға һәм юғары һөҙөмтәгә өлгәшә.

Регина Тютеева ике дисциплинала Беренселек еңеүсеһе була: универсаль алыш, абсолют-реаль алыш (ARC).