Нефтекамалы Башҡортостандың иң яҡшы эшҡыуарҙары иҫәбендә

Нефтекама ҡалаһынан эшҡыуар Гүзәл Нәбиева «Йыл эшҡыуары» республика конкурсы еңеүселәре иҫәбенә инде.

Быйыл «Йыл эшҡыуары» конкурсының республика этабына 54 муниципалитеттан 168 ғариза бирелгән. Финалға 40-тан ашыу ҡатнашыусы сыға, шуларҙың 16-һы еңеүсе була.

«Бизнес өсөн консалтинг хеҙмәттәре өлкәһендә йылдың яң яҡшы эшҡыуары» номинацияһында Нефтекаманан Нәбиева Гүзәл еңеүсе булды.

«Йыл эшҡыуары» конкурсының төп маҡсаты - Башҡортостан республикаһының иң яҡшы эшҡыуарҙарын дәртләндереү һәм төбәк иҡтисадын үҫтереү өсөн эшҡыуарлыҡ эшмәкәрлеген популярлаштырыу. Был эшҡыуарҙарҙың уңыштарын таныу һәм уларҙың эш сифатын юғары баһалау.