Нефтекама тураһында Брайль буйынса китап

Нефтекама ҡалаһының Үҙәкләштерелгән китапхана системаһы базаһында «Камалағы ҡала» ҡулдан эшләнгән тактиль китабының презентацияһы үтте.

Китап президент гранттары Фонды ярҙамында «Мин Нефтекама буйлап атлайым» проекты сиктәрендә төҙөлгән. «Камалағы ҡала» китабын үҫмерҙәр китапханаһы мөдире Фәйрүзә Хузина эшләгән.

Сара һаулыҡ мөмкинлектәре сикләнгән балалар тураһында видеояҙма күрһәтеүҙән башланды. Ҡатнашыусыларға «Мин Нефтекама буйлап атлайым» проекты тураһында һөйләнеләр.

Тактиль китаптар буйынса белгес баҫманың һәр битен күрһәтә, ул фетр һәм картон кеүек хәүефһеҙ материалдарҙан эшләнгән күләмле конструкциялар һүрәттәр. Китапта ҡаланың тарихы һәм иҫтәлекле урындары тураһында мәғлүмәт бирелә.

Сара күреү һәләте боҙолған балалар өсөн 36-сы балалар баҡсаһына тактиль китаптарҙың береһен бүләк итеү менән тамамланды.