Нефтекама егете «Йыл Советнигы – 2024» конкурсында еңеүсе булды

Нефтекаманың 17-се мәктәбенең тәрбиә буйынса директор кәңәшсеһе Игорь Ярославов «Йыл Советнигы -2024» беренсе республика конкурсында еңеүсе булды. Бүләкләү тантанаһы Өфөлә «Бала саҡ навигаторҙары – тәрбиәнең яңы философияһы» Төбәк форумында үтте.

Башта Игорь Ярославов муниципаль этапта еңеү яулай, һуңынан ситтән тороп республика конкурсына видео визитка рәүешендә ғариза ебәрә. Башҡортостандың 54 муниципалитетынан 17 кеше финалға сыҡты.

Конкурс ике этапта үтте. Беренсе этап - үҙ-үҙеңде күрһәтеү, унда педагог үҙе, үҙенең тәрбиә буйынса директор кәңәшсеһе эше, ҡаҙаныштары тураһында һөйләне. Икенсе этап кейс мәсьәләләрен хәл итеүҙән тора. 20 минут эсендә конкурсанттар ниндәйҙер педагогик мәсьәләне хәл итергә тейеш була.

Һәм бына һынауҙар һөҙөмтәләре буйынса Игорь Ярославов «Йыл Советнигы – 2024»конкурсында еңеүсе була.