Краснокама районы уҡыусылары Бөтә Рәсәй конкурсы лауреаттары булды

Өфөлә «Йәш таланттар-2025» Бөтә Рәсәй Арт-проекты сиктәрендә Бөтә Рәсәй йәш вокалистар конкурсы үтте. Краснокама районының балалар сәнғәт мәктәптәре уҡыусылары конкурстың йомғаҡлау этабында лайыҡлы сығыш яһаны.

Николо-Берёзовка ауылының балалар сәнғәт мәктәбе уҡыусыһы Әминә Шаригина һәм Ҡуян ауылының балалар сәнғәт мәктәбе уҡыусыһы Виктория Исамбаева, февраль айында һайлап алыу турында һынауҙарҙы уңышлы үтеп, конкурстың йомғаҡлау этабында Краснокама районынан лайыҡлы сығыш яһаны.

Сығыштары һөҙөмтәләре буйынса улар наградаларға лайыҡ булды: Әминә Шаригина (уҡытыусылары Ғ.Муллаянова, А.Зиязтдинова) 2-се дәрәжә лауреат, ә Виктория Исамбаева 3-сө дәрәжә лауреат булды (уҡытыусы Л.Дуршева).