Нефтекамала етем балаларға фатир асҡыстары тапшырылды

Нефтекама ҡалаһының 24-се биҫтәһендә етем һәм ата-әсә ҡарауынан мәхрүм ҡалған балаларға яңы фатирҙарҙан асҡыстар тапшырыу тантанаһы үтте.

Был ошо категория граждандарын торлаҡ менән тәьмин итеүгә йүнәлтелгән дәүләт ярҙамы сараларын тормошҡа ашырыу һөҙөмтәһендә мөмкин булды. Бәхетле яңы күскенселәр булып Адель Мәрҙәнова, Эльвина Раянова, Елена Коробейникова, Анастасия Ременникова тора. Был ваҡиғаны күпме көтәләр! Кемдеңдер балалары тыуҙы ла инде.

Әйткәндәй, фатирҙарҙа ремонт эштәре башҡарылған - улар таҙа биҙәлгән. Ихатала эскәмйәләр менән йөрөү зонаһы һәм тирбәлеүҙәр менән балалар майҙансығы булдырылған.