Краснокама районы уҡытыусылары юғары наградалар алды

Краснокама районы Ҡуян ауылы мәктәбе уҡытыусылары Илшат Гәрәев Һәм Илүзә Ғабдрахманова юғары наградаларға лайыҡ булды.

Ватанды һаҡлау һәм именлек нигеҙҙәрен ойоштороусы уҡытыусы Илшат Гәрәевҡа Рәсәй ғәҙәттән тыш хәлдәр министрлығының «Ҡотҡарыу эшен пропагандалаған өсөн» миҙалы тапшырылды. Директорҙың тәрбиә буйынса кәңәшсеһе Илүзә Ғабдрахманова Башҡортостан республикаһының ғәҙәттән тыш хәлдәр буйынса Дәүләт комитетының Почет грамотаһын алды.

Бүләкләү тантанаһы Өфөлә муниципаль берәмектәр командалары етәкселәре өсөн семинарҙа үтте.