Краснокамалар республиканың абруйлы музыкаль конкурсында сығыш яһаны

Краснокамалар - Үҙәк район мәҙәниәт йорто солисы Ринат Сәлихйәнов һәм «Сюрприз» өлгөлө хореография ансамбленең (Ҡуян ауылының балалар сәнғәт мәктәбе) йәш артистары республиканың иң абруйлы музыкаль конкурсында бик шәп сығыш яһаны.

Өфөлә, «Башҡортостан» дәүләт концерт залы сәхнәһендә, «Башҡорт йыры» телевизион фестиваль-конкурсының гала-концерты үтте. Бындай ҙур проекттың финалсыһы булыу - ҙур еңеү! Быйыл конкурсҡа бөтә республиканан, Мәскәүҙән һәм Силәбе өлкәһенән 100-ҙән ашыу ғариза килгән. Иң яҡшылар араһында - краснокама делегацияһы.

«Башҡорт йыры-2022» конкурсы еңеүсеһе Ринат Сәлихйәнов йәнә үҙенең юғары класын иҫбатланы. Ә Ҡуян ауылы Балалар сәнғәт мәктәбенең «Сюрприз» өлгөлө хореография ансамбле тәрбиәләнеүселәре үҙҙәренең ихлас һәм профессиональ бейеү постановкаһы менән уның номерын биҙәне, онотолмаҫлыҡ ижади дуэт булдырҙы.

«Башҡорт йыры» - ул бөтә республиканы берләштергән проект. Уның телевизион версияһын яңы йыл төнөндә Башҡортостан Юлдаш телевидениеһы һәм Ҡурай-ТВ каналдарында күрергә мөмкин булыуы бик символик.