Нефтекамала 2026 йылдың тәүге игеҙәге тыуған

2026 йыл Башҡортостанда ҙур һәм татыу ғаилә Йылы тип иғлан ителде, Һәм Нефтекама ҡалаһында ул ысын мәғәнәһендә шатлыҡлы ваҡиғанан башланды. Ҡалала быйыл тәүге игеҙ бала теркәлгән.

2 ғинуарҙа Бакировтар Вадим Мөхәмәтғәли улы һәм Александра Дмитриевна ғаиләһендә улдары Әҙел һәм Аҡмал тыуа. Сабыйҙар тыуыу менән ғаилә күп балалы була: өйҙә игеҙәкләрне өлкән апаһы Роксана көтә.

Яңы тыуған сабыйҙарға исемдәрҙе бөтә ғаилә һайлай. Әҙел ғәрәп теленән тәржемә иткәндә «ғәҙел, намыҫлы, дөрөҫлөк» тигәнде аңлата, ә Аҡмал «иң камил, иң яҡшыһы» тигәнде аңлата.

Хакимиәттең эштәр идарасыһы Әлмир Гәрәев, сабыйҙарҙың тәүге документтарын тапшырып, бындай ваҡиғаларҙың ҡала өсөн мөһимлеген билдәләне, сөнки һәр яңы граждандың тыуыуы – Нефтекаманың киләсәгенә индергән өлөшө. Ул Бакировтар ғаиләһенә именлек, сабырлыҡ һәм улдарын тәрбиәләүҙә аҡыл теләне, шулай уҡ Әҙел менән Аҡмалдың үҙ иленең лайыҡлы граждандары булып үҫәсәгенә ышаныс белдерҙе.