Нефтекама күн-галантерея фабрикаһына - 55 йыл

Нефтекама күн-галантерея фабрикаһы үҙенең 55 йыллыҡ юбилейын билдәләне. Был ваҡиға хөрмәтенә коллективны Нефтекама ҡалаһының бизнес-шерифы Лилиә Петрова ҡотланы һәм предприятие хеҙмәткәрҙәренә лайыҡлы наградалар тапшырҙы.

Фабрика тарихы 1971 йылда «Нефтекама күн-галантерея фабрикаһы» акционерҙар йәмғиәтенә нигеҙ һалыуҙан башлана. Шул ваҡыттан алып предприятие ҡулланыусыларҙың төрлө һорауҙарын ҡәнәғәтләндереп, киң ассортиментлы изделиелар етештерә.

Фабрика каталогында ҡатын-ҡыҙҙар һәм ир-егеттәр сумкалары, юл һәм спорт моделе, ҡәтғи портфелдәр һәм документтар өсөн папкалар, уңайлы рюкзактар, нәфис портмондар, кеҫәләр, пеналдар, күҙлек һәм асҡыс өсөн футлярҙар, шулай уҡ косметик сумкалар бар. Фабрика продукцияһы Нефтекамала Һәм Башҡортостанда ғына түгел, төбәктән ситтә лә популяр.