Николо-Берёзовкала йәрминкә үтте

Уҙған шәмбелә Николо-Берёзовкала ауыл хужалығы йәрминкәһе уҙҙы. Ассортимент был юлы бай ине. Бигрәк тә ике урында һатылған ит ҡыуандырҙы, уны Яңауыл фермерҙары алып килгәйне, килограмы 650 һумдан. Тулы бер киштәне ҡаҙ түшкәләре биләне. Ҡаҙ итенең бер килограмы 900 һум булды.

Ошо уҡ етештереүсе өйҙә етештерелгән ҡаймаҡ - 350-шәр һум (200 литрлыҡ һауытта - ред. иҫкәрмәһе), ә ярты килолап бүленгән аҡ май һаттты - бер-береһе 600-шәр һумға төштө. Магазин майы ла бар ине: ҡиммәтерәге 1200 һум, арзанырағы 800 һум.

Бейек итеп өйөлгән сусҡа майы кәштәләре дә иғтибарны йүнәлтте; тоҙлоһо, ыҫланғаны, ҡыҙыл борослоһо, һарымһаҡлыһы, ҡара борослоһо - теләһә ниндәйе бар. Күршелә генә ыҫланған күкрәк итен дә тәҡдим иттеләр.

Балыҡ та һаттылар карптарҙың килоһы баҙардағыса 350 һум ине.

Чайковский ҡалаһы эшҡыуары йәрминкәнең үҙенсәлекле ҡунағы булды. Ул ҡышын урындағы кәштәләрҙә һирәк осраған туңдырылған еләк-емеш һәм бәшмәк алып килгән. Традицион мүк еләге һәм бурсанан тыш, бында ҡарағат, ҡыҙыл һәм ҡара муйыл (килограмы 700 һум тора) ҙа бар ине. Хатта килоһы 600 һумдан бәшмәктәр дә һатылды.

Нефтекаманан элекке таныштарыбыҙ дарыу үләндәре, тәмләткестәр һәм ҡайнатмалар (ҡурай еләге, ҡайын еләге, абрикос, алма, балан, һырғанаҡ һәм ҡарағат) алып килде. Айырыуса бер литр банкаһы 100 һумлыҡ балан ҙур һорау менән файҙаланған.

Йорт йомортҡаларының бер тиҫтәһе 150-шәр һумдан тәҡдим ителде. Әйткәндәй, Николо-Берёзовка чатында уны 130-шар һум тәҡдим итәләр.

Ҡайын миндектәрен йәйгеһен 100-әр һумға һатһалар, ҡышын иһә хаҡтар 150 һумға тиклем күтәрелгән. Йәйен әҙерләп өлгөрмәһәң, ҡышын арттырып түләйһе шул. Ғәҙәттәгесә, бал да күп булды. Сормаҡ ауылы умартасыһы халыҡты ғәҙәти банкыға тултырып ҡына түгел, кәрәҙләп тә һатты. Үҙенең продукцияһын Стәрлебаш районы етештереүсеһе лә тәҡдим итте - бер литр шешәгә 200 һумлыҡ таҙартылмаған үҫемлек майы.

Киптерелгән емеш-еләк, сәтләүек, көнсығыш тәм-томдары һәм хөрмә тирәһендә һатып алыусылр күп булды. «Ураҙа ваҡытында күп итеп киптерелгән емеш-еләк ашарға кәрәк», - тип аңлатты  николо-ҡберезовкалылар.