Нефтекамала бокс буйынса турнир үтте

Нефтекама ҡалаһының бокс федерацияһы бокс буйынса икенсе асыҡ турнир ойошторҙо. Ҡала спортсылары беренсе һәм призлы урындар яуланы.

Ярыштарҙа рәсәйҙең алты төбәгенән: Пермь крайынан, Удмуртиянан, Свердловск өлкәһенән, Силәбе өлкәһенән һәм Татарстан Республикаһынан 130-ға яҡын спортсы ҡатнашты. Сара «Рәсәй Спорты» дәүләт программаһы маҡсаттарына ярашлы үтте.

Нефтекама ҡалаһы өсөн ярыштарҙа ике спорт ойошмаһы - «Амфибия» боксерҙар клубы һәм балалар-үҫмерҙәр спорт мәктәбе сығыш яһаны. Ярыш һөҙөмтәләре һоҡландыра: нефтекамалылар 8 алтын, 11 көмөш һәм 2 бронза миҙал яуланы.

Турнир Нефтекама ҡалаһы спортсыларының юғары әҙерлек кимәлен күрһәтте һәм төбәктең спортта позицияларын нығытты.