Краснокама районынан уҡыусы иң яҡшы сыйырсыҡ ояһы яһаны

Краснокама районы Ҡуян ауылы мәктәбе уҡыусыһы Ильяс Таһиров «Ижади сыйырсыҡ ояһы» номинацияһында «Сыйырсыҡ оялары» республика экологик конкурсының төбәк этабында беренсе урын яуланы.

Ошо көндәрҙә Өфөлә Башҡортостан Урмансылары исемендәге урман паркында «Сыйырсыҡ оялары» республика экологик конкурсының төбәк этабы үтте. Сара «Сыйырсыҡ оялары» экологик фестивале сиктәрендә уҙҙы һәм бөтә республиканан 312 талантлы ҡатнашыусыны йыйҙы.

Краснокама районы был конкурста «Созвездие» балалар ижады Үҙәге уҡытыусылары һәм уҡыусылары лайыҡлы сығыш яһаны. «Ижади сыйырсыҡ ояһы» номинацияһында беренсе урынды Ҡуян ауылы мәктәбе уҡыусыһы, «Созвездие» балалар ижады Үҙәгенең «Үҙ ҡулдарың менән» берекмәһе уҡыусыһы Ильяс Таһиров яуланы. Уны етәксе Алһыу Таһирова әҙерләгән.

«Классик сыйырсыҡ ояһы» номинацияһында икенсе урынды Кариево ауылы мәктәбе уҡытыусылары, «Созвездие» балалар ижады Үҙәге педагогтары Сергей Сайтиев һәм Алексей Алексеев яуланы.