Краснокама районы тренеры Рәсәй кимәлендә билдәләнде

Краснокама районы мәғариф бүлегенең балалар-үҫмерҙәр спорт мәктәбенең тренер-уҡытыусыһы Владимир Спиридонов «Рәсәй Федерацияһының мәғариф өлкәһенең Почётлы хеҙмәткәре» исемен алды.

18-22 майҙа Тула өлкәһендә Рәсәй Президенты Владимир Владимирович Путин ҡушыуы буйынса бөтә Рәсәй физик культура уҡытыусылары съезы үтте. Был ҙур ваҡиға бөтә илдән 600-ҙән ашыу педагогты, шулай уҡ спорт федерациялары хеҙмәткәрҙәрен, олимпия чемпиондарын һәм мәғариф һәм спорт өлкәһендәге алдынғы эксперттарҙы берләштерҙе.

Башҡортостан Республикаһы делегацияһы составында (барлығы 7 кеше) форумға Краснокама районының мәғариф бүлегенең балалар-үҫмерҙәр спорт мәктәбе тренер-уҡытыусыһы Владимир Спиридонов юлланды. Сарала тренерға «Рәсәй Федерацияһының мәғариф өлкәһенең Почетлы хеҙмәткәре» исемен биреү тураһында награда тапшырылды. Съезда Рәсәйҙең спорт Министры Михаил Дегтярев Владимир Спиридоновҡа физик культура һәм спорт үҫешенә ҙур өлөш индергәне өсөн рәхмәт хаты тапшырҙы.