Нефтекамала «Олимпия уҡыуҙары» үтте

Үҙәк ҡала китапханаһында «Уҡыу шатлығы» курстары, РФ Президенты грантының беренсе конкурсында еңеүсе проект сиктәрендә балаларҙың китап уҡыу техникаһын үҙләштереү һәләтен тикшереү мөмкинлеге барлыҡҡа килде.

Курстарға йөрөгән мәктәпкәсә йәштәге балалар өсөн «Олимпия уҡыуҙары» конкурсы ойошторолдо. Конкурстың маҡсаты - китап уҡыуға ҡыҙыҡһыныу арттырыу һәм китап уҡыу буйынса лидерҙы асыҡлау. Бәйгелә 42 бала ҡатнашты.

Конкурс йомғаҡтары буйынса 1-се, 2-се һәм 3-сө дәрәжә дипломдар һәм иҫтәлекле бүләктәр менән 12 бала бүләкләнде, ә ҡалған уҡыусылар бер минут эсендә уҡып ишеттерелгән һүҙҙәр һаны яҙылған ҡатнашыусы сертификаттарына эйә булды.

«Олимпия уҡыуҙары» конкурсында һәр ҡатнашыусы үҙенең һәләттәрен күрһәтә алды.