Синоптиктар 22 ноябргә һауа торошон хәбәр итте

22 ноябрҙә Башҡортостанда бер аҙ ҡар яуыуы көтөлә. Башгидрометүҙәк мәғлүмәттәре буйынса, буран сығыуы, автомобиль юлдарында боҙлауыҡ булыуы ихтимал.

«Елдең тиҙлеге секундына 8-13 метр, төндә көсәйгәндә 17 метрға тиклем. Һауа температураһы төндә -7, -12°, аяҙытҡанда -16° тиклем, көндөҙ -5, -10°, — тип белдерҙеләр республика Ғәҙәттән тыш хәлдәр министрлығында синоптиктарға һылтанма менән. – Ҡар яуыуы сәбәпле юлдарҙа 1-2 саҡрымдан күреү мөмкинлеге кәмей».

Өфөлә лә ҡар яуыуы мөмкин. Көндөҙ -8, -12 градусҡаса һыуыта.