Владимир Путиндың Александр Лукашенко менән осрашыуына әҙерлек бара

Кремлдә Рәсәй Президенты Владимир Путиндың Белоруссия Президенты Александр Лукашенко менән осрашыуына әҙерлек бара, тип белдерҙе ил етәксеһенең матбуғат сәркәтибе Дмитрий Песков.

Дәүләт башлыҡтарының алдағы осрашыуы уҙған йылдың 14 сентябрендә Владимир Путиндың Сочилагы “Бочаров ручей” резиденцияһында уҙған иде. Һөйләшеүҙәр биш сәғәт ярым дауам итте, улар барышында ил лидерҙары ҡайһы бер темаларга ҡағылды, айырым алғанда, Белоруссияла конституцион реформа һәм республикаға Рәсәйҙең COVID-19 вакцинаһын кертеү.

20 ғинуарҙа Владимир Путин Александр Лукашенко менән телефондан һөйләшкәндә COVID-19 таралыуға ҡаршы көрәш һәм союздаш дәүләт ҡыҫаларында ике ил араһындағы мөнәсәбәттәр мәсьәләләре тураһында фекер алышты.

Фото: "РИА Новости”

Сығанаҡ: kiziltan.ru