Николо-Березовка ауылында хаҡлы ялдағылар араһында «Хужабикә» район конкурсы үткән. Унда 55 йәштән өлкән 11 ҡатын-ҡыҙ ҡатнаша. Яңы Аҡтанышбаш ауылынан 83 йәшлек Гөлниса Тажетдинова иң өлкән ҡатнашыусы була. Бәйгеселәр биш конкурс биремен үтәргә тейеш була. Улар сәскәләрҙән, йәшелсә-емештәрҙән ижади композициялар тәҡдим итә. Ҡул эштәре күргәҙмәһе барыһын да хайран ҡалдыра: энә һәм ырғаҡ менән бәйләү, сәйлән һәм таҫмалар менән сигеү, төрлө биҙәүестәр һәм ҡул эштәре техникаһы һәм башҡалар. Ә китапхана залында хужабикәләр үҙҙәренең аш-һыу оҫталығын тәҡдим итә. Нимә генә булмай унда! Бәлештәр, ҡоймаҡ, торттар... Сәләмләү һәм ижади номерҙар ҡатнашыусыларҙың һәйбәт хужабикәләр һәм ҡул эштәре оҫталары ғына түгел, ә талантлы йырсылар, шағирҙар һәм бейеүселәр ҙә булыуҙарын күрһәтә.
Конкурсҡа йомғаҡ яһап, жюри 11 номинация буйынса еңеүселәрҙе билдәләй: «Һөйкөмлөлөк һылыуҡайы» - Динә Шапиева (Арлан ауылы); «Шиғриәт һылыуҡайы» - Фәйрүзә Хәлиуллина (Николо-Березовка ауылы); «Ижад һылыуҡайы» - Ольга Голубева (Мүзәк ауылы); «Аш-һыуға оҫта һылыуҡай» - Әлфиә Сәйетова (Яңы Йәнйегет ауылы); «Аҡыл һылыуҡайы» - Гөлниса Тажетдинова (Яңы Аҡтанышбаш ауылы); «Илһөйәрлек һылыуҡайы» - Рәзидә Хәбибуллина (Яңы Хажи ауылы); «Ҡунаҡсыллыҡ һылыуҡайы» - Дамира Шәймурзина (Яңы Ҡабан ауылы); «Алтын ҡуллы һылыуҡай» - Любовь Вәлишина (Никольск ауылы); «Көҙ һылыуҡайы» - Рәмилә Шәғәдаянова (Иҫке Мошто ауылы); «Көс-дәрт һылыуҡайы» - Руфина Сәлихова (Яңы Ҡайынлыҡ); «Үҙенсәлек һылыуҡайы» - Рәйсә Әхмәтова (Сауыҙбаш ауылы).
Бөтә ҡатнашыусыларға ла дипломдар һәм иҫтәлекле бүләктәр тапшырыла