Краснокама районы ауылдары "Айыҡ ауыл" конкурсының район этабынҙа ҡатнаша

1 сентябрҙән 1 ноябргә тиклем Краснокамала «Айыҡ ауыл» конкурсының район этабы үтә. Ул 2011 йылдан алып уҙғарыла һәм сәләмәт йәшәү рәүешен популярлаштырыуға йүнәлтелгән. Район этабы еңеүсеһе республика этабында ҡатнаша, уныһы 2024 йылдың башында үтәсәк. Беҙҙең район 2013 йылда айыҡлыҡты пропагандалау буйынса иң әүҙем район номинацияһында билдәләнгән һәм 40 мең һум алған.

Быйыл район этабында Яңы Хажи, Яңы Тәтешле, Кулинка, Яңы Йәнйегет, Һаҙбаш, Яңы Бөртөк, Кадреково, Яңы Аҡтанышбаш, Мүзәк, Яңы Нуғай, Никольск, Яңы Ҡабан һәм Николо-Березовка ауылдары ҡатнаша. Район этабында еңеүсе 30 мең һум аҡса аласаҡ, икенсе урын өсөн - 20 мең һум, өсөнсө өсөн 10 мең һум аҡса ҡаралған, уларҙы төҙөкләндереү өсөн файҙаланырға кәрәк буласаҡ.