Яңауылдар Мәскәүҙә

2024 йылдың 20-22 мартында Мәскәүҙә "Рәсәй" халыҡ-ара күргәҙмә-форумы сиктәрендә Башҡортостан Республикаһының "Башҡортостанда Бизнес? Еңел!" ВДНХ күргәҙмә майҙансығында эшлекле саралар, төрлө оҫталыҡ дәрестәре ойошторола. Балалар сәнғәт мәктәбенең художество бүлеге уҡытыусыһы Гөлфирә Дауытоваға ошондай күләмле сарала Яңауыл ҡалаһын күрһәтеү хөрмәте тейҙе. Ул йөндән ҡоро ҡойоу буйынса "Башҡорт орнаменты"оҫталыҡ дәресе үткәрҙе. Күргәҙмәгә килеүселәрҙең күбеһе үҙенсәлекле башҡорт орнаментын эшләргә маташты.