Яңауылдан арыу-талыу белмәүсе гер күтәреүсе йәнә уңышҡа иреште

Яңауылдан Нәзим Дәүләтшин Чебоксарға барып ҡайтты. Сыуашстандың баш ҡалаһында ветерандар араһында гер спорты буйынса Бөтә Рәсәй ярыштары үтте. Яҡташыбыҙ ике бәйгелә (268) һәм оҙон цикл буйынса этәреүҙә (123) икеләтә көмөш уңышҡа өлгәште. Назим Сәлимйән улы бер секундҡа тиҫтә ярым килоға тиерлек ауырыраҡ булған күп тапҡыр чемпиондан ғына ҡалыша.