Ул ун туғыҙ йәшлек мәңгегә

Яҡташыбыҙ, ун туғыҙ йәшлек Дәүләтшин Мирғәсим Гәрәй улы  Бөйөк Ватан һуғыышында һуғышҡан ерҙән бер ус тупрак ҡайтарылды. Ул йәш егет  булып фронтҡа киткән һәм, ҡыҙғанысҡа ҡаршы, тыуған яғына Яңауыл районы Карман ауылына ҡайта алмаған. Эҙләү отряды ҡаҙыу эштәре барышында яҡташыбыҙҙың мәғлүмәттәре яҙылған капсула тапҡан. Мирғәсимдең тыуғандары ҡәберенә барып ҡайтты. Яугирҙең шәхси мәғлүмәттәре яҙылған был ер һәм капсула фронттарҙағы аяуһыҙ һуғыштар тураһында хәтерҙе һаҡлай.