Ағиҙел уҡыусылары МХО яугирҙарына республика көнөнә бүләктәрен әҙерләне

Һәр пакетҡа улар футболка, бер пар ойоҡбаш, эске кейем, һабын һәм һөйөү һәм йылылыҡ менән яҙылған хаттар һалған.

Балаларҙың класс етәксеһе Эльмира Рафиҡ ҡыҙы Камалова республика Көнө алдынан махсус хәрби операцияла ҡатнашыусыны «Мөһим нәмә тураһында Һөйләшеү» гә саҡырыуҙары хаҡында һөйләне. Балалар был осрашыуға ҙур теләк менән әҙерләнгән: сараның нисек үтеүе хаҡында фекер алышҡан, йыр өйрәнгән, шиғырҙар ятлаған. Тап шул ваҡытта яугирҙарға бүләктәр биреү идеяһы барлыҡҡа килгән.

 Эльмира Рафиҡ ҡыҙы ата-әсәләр чатына мөрәжәғәт иткән, һәм өлкәндәр шунда уҡ балаларҙың башланғысын хуплаған. Ике көн эсендә балалар хаттар яҙған.