Ағиҙел уҡыусылары махсус хәрби операцияға ярҙамға 6 тонна макулатура йыйҙы

Ағиҙелдәге «Йәш волонтер» берекмәһендә 80-гә яҡын бала шөғөлләнә. Берекмә етәксеһе Юлиә Кутлиева раҫлауынса, улар макулатура йыйыу, ә йыйылған аҡсаны махсус хәрби операцияға булышлыҡ итеү фондына тапшырыу башланғысы менән сыҡҡан. Был башланғысты ҡала хакимиәте, «Савитар» үҙәге, мәктәптәр һәм балалар баҡсалары коллективтары хуплап сыҡты.

Макулатура йыйыу һәм тапшырыу буйынса асыҡ ярышта беренсе урынды Руслан Холбан исемендәге 1-се дөйөм белем биреү мәктәбе яуланы. Мәктәп уҡыусылары 1316 килограмм ҡағыҙ һәм 750 килограмм картон йыйған һәм тапшырған. Улар дөйөм суммаһы 6762 һумға 2 тоннанан ашыу макулатура тапшырған.

Иң яҡшы күрһәткестәр 3«А» класында. Клас уҡыусылары 114 килограмм самаһы ҡағыҙ, 47 килограмға яҡын картон, бөтәһе 160 килограмм самаһы макулатура йыйып тапшырҙы.

Ә ике көн эсендә 5 тоннанан ашыу ҡағыҙ, 1 тоннаға яҡын картон - бөтәһе 6 тонналап макулатура йыйылған һәм тапшырылған. Әйтергә кәрәк, был бик яҡшы күрһәткес!

Автор:Ирина Вильданова

Читайте нас

Новости партнеров