Хушлашыу йорто төҙөлә

Ағиҙел ҡалаһының зыяратында Хушлашыу йорто төҙөлә. Уны төҙөү инициативаһы менән ҡала халҡы һәм «Нур» мәсете халҡы сығыш яһаны. Проект урындағы башланғыстарға булышлыҡ итеү республика конкурсында еңеү яуланы.

- Әлеге ваҡытта буласаҡ ҡоролманың ағас каркасы йыйылған, эште төҙөүсе ноябрь аҙағына тиклем тамамларға планлаштыра, - тип һөйләй хакимиәт башлығы урынбаҫары Рәмил Ғәниев.

Хушлашыу йорто быйыл йыл аҙағында асыласаҡ. Уның хушлашыу саралары уҙғарыласаҡ, мәйеттәр йыуыласаҡ, йола кәрәк-яраҡтары һатыласаҡ. Кешеләр билдәләүенсә, ҡалабыҙҙа бындай ҡоролма булдырыу - яҡшы эш.

- Беҙ мәрхүм туғандарыбыҙҙы онотмаҫҡа һәм хөрмәт итергә, уларҙы һуңғы юлға лайыҡлы оҙатыу мөмкинлегенә эйә булырға тейешбеҙ, - тип һыҙыҡ өҫтөнә ала зыярат ҡараусыһы Рифҡәт Иҙрисов.

Автор:Ирина Вильданова

Читайте нас

Новости партнеров