Йәш таланттар һынатманы

Сара яңы таланттарҙы асыҡлауға, тәжрибә уртаҡлашыуға һәм ҡатнашыусыларҙың ижади хыялдарын тормошҡа ашырыуға йүнәлтелгән.

Конкурста биш райондан утыҙлаған номер ҡатнашты. Бөтәһе 70-ләгән конкурсант сәхнәгә сыҡты. Бигерәк тә Ағиҙел ҡалаһы ҡатнашыусылары үҙҙәренең юғары әҙерлек кимәле менән ҡыуандырҙы. Уларҙың сығыштары тамашасыларҙа онотолмаҫ тәьҫораттар ҡалдырҙы.

«Овация» өлгөлө эстрада һәм заманса бейеү ансамбле конкурс Гран-прийын яуланы. «Хореография» номинацияһында шулай уҡ «Эльдорадо» өлгөлө эстрада бейеүҙәре һәм «Nekoma crew»  брейк-данс  коллективтары призлы урындар яуланы. «Эльдорадо» ансамбле солисы Злата Холбан да юғары оҫталыҡ кимәлен күрһәтте.

«Вокал» номинацияһында «Зоренька» рус йыры халыҡ ансамбле  һәм солист Христина Димитриева иң яҡшылары булды.

Конкурсты ойоштороусылар һәм унда ҡатнашыусылар йәш таланттарға шундай юғары һөҙөмтәләргә өлгәшергә ярҙам иткәндәрҙең барыһына ла рәхмәт белдерә. Уларҙың бейеүгә һәм музыкаға булған һөйөүе дауам итһен, ә алда яңы ҡаҙаныштар булһын!