Ике «Нива» автомашинаһы, бер УАЗ - фронтҡа

Яңауыл районынан фронтҡа 21-се гуманитар конвой оҙатылды. Уны булдырыуҙа муниципалитет халҡы, хеҙмәт коллективтары, шәхси эшҡыуарҙар, ветеран-нефтселәр, урындағы ғибәҙәтханаға йөрөүселәр һәм тегенселәр - ирекмәндәр әүҙем ҡатнашты. Йөк составына ике «Нива» автомашинаһы, бер УАЗ, шулай уҡ эш ҡоралдары, маскировка селтәрҙәре, генератор, окоп шәмдәре, антидронлы юрғандар, йылы кейем, түшәк кәрәк-яраҡтары, автозапчастар, йылытҡыстар һәм медикаменттар инде. Бынан тыш, балаларҙан хаттар һәм яугирҙарҙың ғаризалары буйынса шәхси исемле посылкалар йыйылды.