Ағиҙелдә Яңы йыл ғаилә уйындары үтте

Барлыҡ ҡатнашыусылар ҙа тиңдәшһеҙ әүҙемлек һәм тырышлыҡ күрһәтте. Һәр ғаилә ошо байрамдың ысын геройы булды. Беҙ ҡалабыҙҙа ошондай берҙәм һәм талантлы ғаиләләрҙең булыуы менән ғорурланабыҙ. Ярыштарҙа беренсе урынды Шакировтар ғаиләһе алды, икенсе урында - Әхкәмовтар, өсөнсөлә - Вәхитовтар.

 Бөтә ҡатнашыусылар һәм еңеүселәр грамоталар һәм аҡсалата сертификаттар менән бүләкләнде. Шулай уҡ улар татлы Яңы йыл бүләктәре алды.

Муниципаль этап еңеүсеһе Өфө ҡалаһында үтәсәк республика этабында ҡалабыҙ исеменән сығыш яһаясаҡ. Беҙ уларға уңыштар теләйбеҙ һәм яңы еңеүҙәргә өмөтләнәбеҙ. «Яңы йыл ғаилә уйындары» ҡалабыҙҙың изге йолаһына әйләнһен, ул ғаиләләрҙе берләштерһен һәм ваҡытты бергәләп уҙғарыуҙан шатлыҡ һәм ҡәнәғәтлек бүләк итһен.