Мәктәп капиталь ремонттан һуң йәнә үҙ ишектәрен асты

Яңауыл районының Иҫке Вәрәш ауылы мәктәбе Башҡортостан Башлығы Радий Хәбировтың ҡушыуы буйынса башҡарылған капиталь ремонттан һуң  йәнә үҙ ишектәрен асты. Белем биреү учреждениеһы тыштан һәм эстән үҙгәргән. Кластан тыш түңәрәктәр өсөн айырым кабинеттар асылды, спорт залы яңыртылған.

Тантаналы сарала Башҡортостан Республикаһы Дәүләт Йыйылышы -Ҡоролтай депутаты Илшат Вәзиғәтов, район хакимиәте башлығы Салауат Ғилмиев, уның урынбаҫарҙары, Рәсәй Геройы Игорь Нәсибуллиндың ата-әсәһе  Леонид Ғыльмийәр улы һәм Роза Хәбибйән ҡыҙы ҡатнашты.