Уйландыра торған фильм

Ғинуарҙа Руслан Юлтаевтың 2015 йылда «Башҡортостан» киностудияһында башҡорт телендә төшөрөлгән «Өс хат» фильмы күрһәтелә баш­ланы. Был фильм бик күп наградаларға лайыҡ булған. Фильмда талантлы актёрҙар Зиләрә Юлтаева, Физәлиә Рәхимова, Вәкилә Ҡалмантаева, Фәрзәнә Ғөбәйҙуллина, Әхәт Хөсәйенов, Гөлнара Йәрмиева, Айгөл Зөбәйҙуллина һәм Ләйсән Кәримова уйнайҙар.

Бөйөк Ватан һуғышында Еңеүҙең 80 йыллығы йылында фильм һис ҡасан булмағанса актуаль.

...Алыҫ башҡорт ауылын­да 1941-1942 йылдарҙың ҡышы һалҡын килә. Әммә ауыл ҡатындарын фронттан ирҙәренән хәбәр алыуға өмөт йылыта.

Хазина исемле йәш г е р о и н я н ы ң х ә л д ә р е яҡшыларҙан түгел. Ул бала көтә, шуға ла өләсәһе менән мөнәсәбәттәре на­сар. Барыһы ла кейәүенең фронтҡа саҡырылыуы менән ҡатмарлаша, улар никах уҡып өлгөрмәй. Һөйгәненән хәбәр көтөү Хазина өсөн бик ауыр, ул тәрән уйҙарға бата.

Етмәһә, уның күрше ҡатынына «похоронка» килә. Был яңылыҡ Хазинала борсо­лоу һәм яңғыҙлыҡ тойғоһон көсәйтә. Бындай осраҡтарҙа уға айырыуса ярҙам кәрәк, ләкин яҡындары ла һәр ваҡыт ярҙам итә алмай. Тирә-яҡта шул тиклем ауыр шарттар һәм юғалтыуҙар булғанда, уға арта­бан йәшәргә нисек көс табырға?

Һуғыш йылдарында ауыл по­чтальондарына ла еңел түгел. Өсмөйөшлө хат килтереү - бер эш, ә үлем тураһында белдереү ҡағыҙын алып барып тапшырыү - бөтөнләй икен­се. Хазинаға килгән хаттарҙы нишләтергә һуң?

Фильм – өмөт һәм яҡшылыҡҡа ышаныу хаҡында. Улар хатта иң тәрән күңел яраларын да һауыҡтырырлыҡ ҡеүәтле дарыуҙар.

Ләкин иң мөһиме - ваҡыт. Уның күңел әрнеүе тураһындағы хәтирәләрҙе йы­уыу, яңы өмөттәр һәм яҡты мәлдәр өсөн урын ҡалдырыу һәләте бар.

Фильмды ҡарағандан һуң тамашасылар хәтирәләр донъяһына сума. Күптәре өләсәйҙәренең ирҙәренең ф р о н т т а н ҡ а й т ы у ы н түҙемһеҙләнеп көтөүҙәрен иҫенә төшөрә. Был уларға ата-бабаларыбыҙҙың ниндәй ауырлыҡтар күргәнен яҡшыраҡ аңларға һәм тыныс күк йөҙө өсөн тағы ла ҙурыраҡ рәхмәт тойғоһо кисерергә мөмкинлек бирә.

Башҡорт гимназияһынан башҡорт теле уҡытыусыһы Рәмилә Сәлихова фронт­тан туғыҙ йылдан һуң ғына әйләнеп ҡайтҡан туғаны та­рихын һөйләне. Ул контузия алып, хәтерен юғалтҡан һәм оҙаҡ ваҡыт ил буйлап йөрөгән. Ә ҡатыны уны көткән.

«Өс хат» - һуғыш хаҡында ғына түгел, ә рух көсө, мөхәббәт һәм тормоштоң ауыр осоронда бер-беребеҙгә ярҙам итеүҙең мөһимлеген раҫлаусы ла фильм.