Краснокама районында ир-егеттәр спорт фестивале үтте

Краснокама районында Ватанды һаҡлаусылар көнөн байрам итеү алдынан «Прикамье» физкультура-һауыҡтырыу комплексы базаһында ир-егеттәр араһында спорт фестивале үтте. Көмөш йәштәге спортсылар, ауыл биләмәләре вәкилдәре спорттың дүрт төрө буйынса ярышты.

Фестивалдә ун бер ауыл биләмәһе командалары ҡатнаша. Ир-егеттәр шахмат, шашка, дартс, кәрзингә туп ырғытыу буйынса ярышты. Ярыштарҙа 60 йәштән өлкән ир-егеттәр ҡатнашты. Һәм, көмөш йәштә булыуҙарына ҡарамаҫтан, улар яҡшы әҙерлек һәм күнекмәләр күрһәттеләр. Сөнки уларҙың күбеһе өсөн был район ярыштарында беренсе ҡатнашыу түгел.

Ярыштарҙа еңеүселәр һәм призерҙар миҙалдар, грамоталар һәм ҡиммәтле приздар менән бүләкләнде.