Шайморатовсылар хәрби-спорт уйынын уҙғарыу хөрмәтенә эйә булды

Быйыл Яңауыл лицейының 6Ш класы «Зарница» хәрби-спорт уйынын уҙғарыу хөрмәтенә эйә булды, улар тиҫтерҙәренең күнекмәләрен этаптарҙа үҙҙәре хөкөм итте.

«Балалар бөтә яуаплылыҡты тойҙо, сара бик етди бит», - ти класс етәксеһе Эльвира Баязитова.

Шайморатовсылар төрлө ярыштарҙа йыш ҡатнаша. Бынан тыш, предмет олимпиадаларында үҙ белемдәрен тикшереп өлгөрә, проект эштәрен яҙа.

Эльвира Зәләф ҡыҙы әйтеүенсә, балалар бик дәртле лә, яуаплы ла. Шайморатов класында килеп тыуған проблемаларҙы, бурыстарҙы күмәкләп хәл итергә өйрәнгәндәр. «5 класта уҡ нигеҙ һалынған, хәҙер иһә «төҙөлөштө» дауам итәбеҙ»,- ти уҡытыусы.