Ағиҙелдә һылыуҡайҙар сығыш яһаны

Конкурс биш мауыҡтырғыс һынауҙан торҙо. Беренсеһе - «Визит карточкаһы» - ҡыҙҙарға үҙ һәләттәрен күрһәтергә мөмкинлек бирҙе. Һәр ҡатнашыусы үҙе тураһында башҡорт телендә һөйләп кенә ҡалманы, видеоролик та төшөрҙө, был жюри һәм тамашасыларға ҡыҙҙарҙы яҡшыраҡ белергә мөмкинлек бирҙе.

«Йәнле һүҙ» конкурсында ҡатнашыусылар билдәле башҡорт авторҙарының шиғырҙарын уҡыны. Жюри телмәр техникаһын, тексты белеүҙе һәм аңлауҙы, шулай уҡ художестволы образдар тыуҙырыуҙы баһаланы.

Этнодефиле ҡыҙҙарҙың милли кейем һәм биҙәүестәр кейә белеүҙәрен күрһәтте. Улар үҙҙәренең матурлығын һәм һомғоллоғон, шулай уҡ халҡының йолаларын һәм мәҙәниәтен белеүен күрһәтте. Музыкаль конкурста өс талантлы ҡыҙ башҡорт бейеүҙәрен башҡарыу оҫталығын күрһәтте, Милана Шәүәлиеваның  халыҡ көйҙәрен башҡарып аккордеонда виртуоз уйнаны. Уның оҫталығы сарала ҡатнашыусыларҙың барыһын да хайран ҡалдырҙы.

Шулай уҡ конкурста милли аш-һыу ҙа тәҡдим ителде, улар ҡыҙҙырҙың  кулинария оҫталығын күрһәтте. Һәр ҡатнашыусы үҙенең ризығының рецебы хаҡында һөйләп кенә ҡалманы, ә әҙерлек процесын күрһәтеү өсөн видео ла төшөрҙө. Рәлиә   гөбәдиә, Нәргиз - ҡош теле, Милана - ваҡ бәлеш, Азалина бауырһаҡ әҙерләгән. Был тәмлекәстәрҙән сыҡҡан еҫтәр залға байрамдың ҡабатланмаҫ атмосфераһын һәм шатлыҡ-ҡыуаныстар бүләк итте. Һәр ҡыҙ үҙенең иң яҡшы сифаттарын күрһәтте һәм эскерһеҙ хөрмәткә һәм һоҡланыуға лайыҡ булды. Рәлиә - «Иң һөйкөмлө», Нәрғис - «Иң нәзәҡәтле», Милана - «Иң наҙлы», ә Азалина «Иң мәләйем» исемдәренә лайыҡ булды.