Агиҙелдә ҡала профессиональ конкурсы үтте

«Хеҙмәт күрһәтеү өлкәһендә иң яҡшы менеджер» номинацияһында «Автолидер» автосервисы администраторы Салимова Альбина Наил ҡыҙы еңеү яуланы.

«Үҙ эшендә иң яҡшы оҫта» категорияһында «Грация» ательеһы һәм «ЭСЕА» тегү цехы иң яҡшылар булып танылды.

«Потребитель һайлауы» номинацияһында Торлаҡ-коммуналь хужалыҡ йорт фондында техник контроль һәм эштарҙы планлаштырыу бүлеге начальнигы Филюшкин Сергей Александрович айырылып китте.

Конкурс, хеҙмәт күрһәтеү өлкәһендәге хеҙмәткәрҙәрҙең профессионализмын һәм ҡала үҫешенә индергән өлөшөн билдәләп, яҡты бер ваҡиғаға әүерелде.