Яңауылда күршеләр йыйылды

16 апрелдә Яңауылда «Мин һине яратам, тормош!» Республика фестиваленең зона этабы үтте. Өлкән быуын кешеләре араһында йыл һайын үткәрелгән фестиваль 14-се тапҡыр ойошторолдо.  Балтас, Борай, Дүртөйлө, Илеш, Ҡалтасы, Краснокама, Тәтешле һәм Яңауыл райондарынан, шулай уҡ Ағиҙел һәм Нефтекама ҡалаларынан ижади коллективтар сығыш яһаны. Ҡатнашыусыларҙы Рәсәйҙең  атҡаҙанған, Башҡортостандың  халыҡ артисы Нәзифә Ҡадирова рәйеслегендәге юғары профессиональ жюри баһаланы.