Ағиҙелдәр сулпылар эшләйҙәр

Боронғо заманда: башҡорт ҡатынын тәүҙә ишетергә, һуңынан ғына күрергә мөмкин, тигәндәр... Башҡорт ҡатын-ҡыҙҙарының иң яратҡан биҙәүестәренең береһе - сулпылар булған. Улар менән башҡорт ҡатын-ҡыҙҙары толомдарын биҙәгән. Башҡорттарҙа сулпылар көмөштән, һирәгерәк баҡырҙан йәки башҡа металдарҙан эшләгәндәр.

 Күптән түгел ҡаланың тыуған яҡты өйрәнеү музейына XIX быуат аҙағында эшләнгән ысын көмөш сулпылар  килтергәндәр. Уны эшләү өсөн  бер һум, 20 һәм 50 тинлек тәңкәләр ҡулланылған.

Был табылдыҡ музей хеҙмәткәрҙәрен заманса материалдарҙан ошондай әйберҙәр эшләргә һәм килеүселәр өсөн оҫталыҡ дәрестәре ойошторорға өйрәтеү идеяһына рухландырған.

Бөгөн магазиндарҙа һәм маркетплейстарҙа этно стилдә уникаль биҙәүестәр эшләү өсөн бик күп тауарҙар тәҡдим ителә. Был биҙәүестәр бик популяр, уларҙы тематик сараларҙа кейәләр һәм көндәлек тормошта ҡулланалар. Этно-биҙәүестәр актуаль һәм матур, был боронғо мода ғына түгел. Уларҙың ҡайһы берҙәре - халыҡ сәнғәтенең ысын әҫәрҙәре. Шулай уҡ  сулпылар - бик шәп бүләк.