Тальянка конкурсында ике еңеүсе билдәләнде

Яңауылда Фәтих Иҡсанов исемендәге ун өсөнсө Республика тальянка конкурсы сағыу тамамланды.

Башҡортостандың 21 районынан һәм 5 ҡалаһынан, шулай уҡ күрше төбәктәрҙән 160-тан ашыу кеше традицион инструментта уйнау оҫталығын күрһәтте. Ҡатнашыусылар араһында төрлө быуын башҡарыусылары бар ине: иң өлкән конкурсантҡа — 89, ә иң йәшенә – ете.

Конкурстың Гран-прийын Мишкә районынан Юрий Иликаев Һәм Татарстан Республикаһынан Камил Бағауиев яуланы.