Яңауыл делегацияһы Бөтә Рәсәй ауыл Һабантуйында ҡатнашты

14 июндә Пермь крайының Барҙы ауылында Бөтә Рәсәй ауыл Һабантуйы үтте. Унда Яңауыл районынан делегация ла ҡатнашты.

Яңауыл ихатаһында байрамдың абруйлы ҡунаҡтарын традицион ризыҡтарҙан һәм тарихи экскурсияларҙан алып башҡорт йәйәһенән атыу һәм Яңауыл районында әүҙем үҫтерелгән яҡут көрәше (мас – рестлинг) ҡыҙыҡһындырҙы.

Яңауыл артистары ла тамашасыларҙы ҡыуандырҙы.