Традиция тергеҙелде

Яңауылда традиция тергеҙелде. 22 августа  ҡалала Урамдар байрамы үтте.  Каманин, Тельман, Невский, Чапаев урамдарында, Еңеү урамының бер өлөшөндә, шулай уҡ Цолковский һәм Каманин тыҡрыҡтарында үтте был сара. Һәр урамдың тарихы бында оҙаҡ йылдар йәшәүселәрҙең яҙмышынан тора. Данлы яҡташтар иҫкә төшөрөлдө, оло йәштәгеләрҙе ихлас ҡотланылар, тормошо һәм хеҙмәте ихтирамға һәм ғорурлыҡҡа лайыҡ булған өлгөлө ғаиләләрҙе билдәләнеләр.