Ағиҙелдә «Өлгөлө башҡорт ғаиләһе» бәйгеһе үтте

Бәйгелә өс ғаилә ҡатнашты.

Альбина Ғәйфуллина  улы Анил менән ҡатнашты.  Альбина — сәнғәтсе, хореограф һәм виртуоз кубысист, улы менән дуэтта сығыш яһай. Туған телгә һәм сәнғәткә мөхәббәт — уларҙың ғаиләһенең нигеҙе.

Лилиә һәм Руслан икеһе лә эске эштәр органдарында хеҙмәт итә.   Руслан — һуғыш ветераны, ғаиләһен тәмле милли ризыҡтар менән һыйлай,  ә Лилиә матур йырлай, уларҙың балалары — Сафиә һәм Ролан — спортта һәм ижадта уңыштарға өлгәшә. Уларҙың ғаилә бәхете сере  —  хеҙмәт, бер-береңде ихтирам һәм ғәфу итә белеү.

Розалина һәм Илнур Шәүәлиевтар балалары менән «Беҙ бергә — көс, беҙ бергә — бәхет!» девизы аҫтында сығыш яһаны. Илнур — виртуоз музыкант, психолог, Розалина - уңған хужабикә,  ә уларҙың ғаилә традициялары - ансамблдә бергә уйнау, баҡсала эшләү, балаларға китап уҡыу. Уларҙың бәхете нигеҙе — Хоҙайға ышаныс һәм «Ябай йәшә, бейек уйла» принципы.

Еңеүселдәр категориялар буйынса билдәле булды: «Ғаилә һөнәре» номинациһында  Сәғдиевдар ғаиләһе, «Ғаилә ижады» — Ғәйфуллиндар,  «Ғаилә традициялары» — Шәүәлиевтар ғаиләһе.

Барлыҡ ғаиләләргә ныҡ һаулыҡ, уңышлылыҡ һәм бәхет теләйбеҙ!