Ағиҙелдә өлкән быуын вәкилдәренә интернет менән эш итеү һәнәре өйрәтелә

Яңы цифр технологиялары, бигерәк тә мәсьәләләрҙе онлайн хәл итеү, өлкән быуын өсөн беренсе тапҡыр ҡыенлыҡтар тыуҙыра. Ләкин заман үҙ талаптәрен ҡуя: хәҙер күп кәрәкле хеҙмәттәр, тораҡ-коммуналь түләүҙәр һәм иҫәп приборҙары күрһәткестәрен тапшырыу ҙә индереп, онлайн алына. Быныһы тиҙ һәм бик уңайлы.

Ошо мөмкинлектәрҙе өлкәндәргә асыу маҡсатында, 20 ғинуарҙа «Оло быуын аралашыу үҙәге»ндә (Рәсәй Социаль фондының клиенттар хеҙмәте базаһында) махсус практик осталыҡ дәресе ойошторолдо. Уны «Башҡортостан Республикаһының Берҙәм иҫәп-касса үҙәге»нең Төньяҡ территориаль идаралығы начальнигы Ольга Сергеевна Семыкина алып барҙы.

Дәрестә ниндәй белемдәр бирелде?

• Уҡыусылар «Башҡортостандың берҙәм дәүләт мәғлүмәт үҙәге»нең «Минең түләүҙәрем» шәхси кабинетына нисек инергә һәм теркәлергә өйрәнделәр.
• Иҫәп приборҙары күрһәткестәрен электрон формала тапшырыу ысулдары белдерелде.
• Онлайн-квитанцияларҙы төҙөп, түләү процедураһы аңлатылды.
• «Минең түләүҙәрем» ҡушымтаһын смартфондарға ҡуйырға ярҙам иттеләр һәм уны нисек ҡулланырға өйрәттеләр.

Оҫталыҡ дәресендә иллеләп кеше ҡатнашты. Һәр береһе  үҙенең һорауына тулыһынса яуап алды. Күпселеге яңы белем менән генә түгел, ә эшләп ҡарарға булған ышаныс менән ҡайтып китте. Хәҙер улар интернет аша түләүҙәрҙе үҙҙәре башҡарырға әҙер.

Әлбиттә, ниндәйҙер белемде онотоп ҡалыу ихтимал. Ләкин бына был ҡурҡыныс түгел! Ярҙам кәрәк булғанда, ҡатнашыусылар дәрескә яңынан килергә йәки аралашыу үҙәгенә мөрәжәғәт итергә мөмкин. Иң мөһиме — башлап ебәреү һәм дауам итеү!

Ағиҙелдәге Рәсәй Социаль фонды клиенттар хеҙмәте етәксеһе Розалия Муллаҡаева билдәләүенсә, улар  һанлы сервистар менән эшләргә өйрәнергә теләүселәргә һәр саҡ ярҙам итергә әҙер. Консультация алыр өсөн теләһә ниндәй эш көнөндә мөрәжәғәт итергә мөмкин.

Өлкән быуын өсөн цифр форматҡа күсеү — яңы мөмкинлектәр ишеген асыу. Бының өҫтөнлөктәре бар: ваҡытты үҙәкләштереү, сираттарҙан азат итеү һәм өйҙән сыҡмай ҙа кәрәкле эштәрҙе башҡарыу мөмкинлеге.