Яңауылда "Бәләкәй рыцарҙар турниры" үтте

Бөгөн, 12 февралдә, Яңауылда «Йәшлек» физкультура-һауыҡтырыу комплексында һаулыҡ мөмкинлектәре сикләнгәндәр өсөн “Бәләкәй рыцарҙар турниры” тип аталған хәйриә сараһы үтте.

Балалар өсөн төрлө уйындар ойошторолдо. Ситтә ҡалған бер бала ла ҡалманы, бөтәһе лә әүҙем ҡатнашты. Түңәрәккә тороп бейенеләр ҙә, отҡорлоҡҡа, зирәклеккә, тиҙлеккә лә ярыштылар.

Кескәйҙәрҙе ҡыуандырыу, уларҙың үҙҙәренең көсөнә, һәләтенә ышаныс тойғоһо уятыу – сараның төп маҡсаттарының береһе ине.