Ура! Каникулдар!

Яңауыл районында мәктәптәрҙә ун ике лагерь .Бында яҙғы каникулды меңдән ашыу уҡыусы файҙалы үткәрә.

Исьәк ауылы мәктәбе уҡыусылары беренсе көндә үк Яңауылға экскурсияға килде. Тәүҙә улар кинотеатрҙа "Домовенок Кузя-2" фильмын ҡараны. Артабан лагерь начальнигы Римма Шәбүтдинова Йәштәр һарайы территорияһында урынлашҡан Ватанды һаҡлаусыларға арналған һәйкәлдәр аллеяһына алып килде, һәр бер монумент тураһында ентекле һөйләне. 

Балаларҙы каникулда бик күп мауыҡтырғыс саралар көтә.