Еңделәр ҙә лә Сочиға юлландылар!

Ағиҙел уҡыусылары «Аҡ ладья» республика турнирында фавориттарҙы еңеп, Сочиҙағы бөтә Рәсәй этабына юллама яуланы. 1 апрелдән 5-нә тиклем Радик Уразбахтин исемендәге ДЮСШ командаһы Типиева Оксана, Ғилемшиндар Динә һәм Дилә, Шулай уҡ Мирзазанов Арыҫлан составында Өфөлә көрәште һәм еңеүселәр Кубогы менән ҡайтты.

Турнирының хәл иткес, һуңғы, етенсе турында ағиҙелдәр ауыр хәлдә ҡала: беренсе матчта еңелә, һәм еңеү өсөн турҙы 3:1 иҫәбе менән ябырға кәрәк була. Психологик баҫымға ҡарамаҫтан, йәш шахматсылар һынмай, характер күрһәтә, дәғүәсеһен ҡыйрата һәм беренсе урынды биләй. Көмөш миҙалды Красноусол командаһына, ә бронзаны Благовещен командаһына ҡалдыра.

Был еңеү тренер Светлана Ғата ҡыҙы Яхинаның стратегияһы һәм Эльвира Мирзазанованың мораль ярҙамы арҡаһында мөмкин була. Балаларҙың ата-әсәләре уларҙы ысын чемпиондар тип атай һәм Сочиҙа бөтә Рәсәй этабында уңышҡа ышана.

Автор:Ирина Вильданова

Читайте нас

Новости партнеров