Һуңғы ҡыңғырауҙың датаһы мәғлүм булды

Башҡортостанға ебәрелгән документҡа ярашлы, һуңғы ҡыңғырау - 26 майға, ә сығарылыш кисәләре 27 июнгә планлаштырылған. Ведомство тәҡдим иткән байрамдар программаһына патриотик йүнәлеш элементтары индерелгән. Дәүләт флагы күтәреү һәм гимн башҡарыу тантанаһын үткәрергә, шулай уҡ бер нисә балалы йәки бер нисә быуынлы ғаиләләрҙе хөрмәтләргә кәңәш ителә. Бынан тыш, уҡыусыларҙың ата-әсәләренең, шул иҫәптән дәүләт наградалары менән бүләкләнгәндәрҙең йәки махсус хәрби операцияла ҡатнашҡандарҙың сығыштары ҡаралған. Тәҡдимдәрҙә шулай уҡ сараларҙы ойоштороуҙа бөтә хәүефһеҙлек сараларын ҡәтғи үтәү кәрәклеге һыҙыҡ өҫтөнә алына. Төбәк властарына һаулыҡ мөмкинлектәре сикләнгән һәм инвалид уҡыусылар өсөн уңайлы мөхит булдырыуға айырыуса иғтибар бүлергә тәҡдим ителде.

Яңауыл районы мәғариф идаралығында хәбәр итеүҙәренсә, мәктәпте тамамлау менән бәйле тантаналар ошо даталарға тура килә.